Monday, October 21

राष्ट्रपति सीको ‘कारगेट’ होटल प्रस्थान, स्वागतका लागि सडकको दायाँबायाँ झाँकी

काठमाडौं– नेपाल भ्रमणका लागि आएका चिनियाँ राष्ट्रपति सी चिनफिङ विमानस्थलबाट होटल तर्फ प्रस्थान गरेका छन् ।दुई दिने राजकीय भ्रमणका लागि नेपाल आएका सीलाई विमान स्थालमा राष्ट्रपति विद्यादेवी भण्डारीले स्वागत गरेकी थिइन् ।
विमानस्थलमा नै राष्ट्रपति सीलाई सेनाले सम्मान गारथ अर्पण गरेको थियो ।

सीको स्वागतका लागि उपराष्ट्रपति, प्रधानमन्त्री, राष्ट्रिसभा अध्यक्ष, उपप्रधानमन्त्रीहरु, मन्त्रीहरु, मुख्यमन्त्री र विशिष्ट सरकारी अधिकारीहरुले स्वागत गरेका थिए ।विमानस्थलमा सम्मान गारथ ग्रहण गरेसँगै सी केहीवेरको विश्रामका लागि ताहचलस्थित होटल सोल्टी प्रस्थान गरेका छन् ।उनी तीनकुने, वानेश्वर, माइतीघर, त्रिपुरेश्वर, कालिमाटी हुँदै होटल पुग्नेछन् ।

उनको सवारी रुट पर्ने सडक पूर्ण रुपमा खाली गरिएको छ भने विभिन्न स्थानमा सडकको दायावाँया सीको स्वागतका लागि सर्वसाधारण उपस्थित भएका छन् ।सरकारी कर्मचारी, विभिन्न जातजातीका पहिरन र झाँकीसहितका व्यक्तिले सीको स्वागत गरेका छन् ।केही बेर आराम गरेसँगै सी राष्ट्रपति भण्डारीसँगको भेटवार्ताका लागि शीतलनिवास जानेछन् ।

14 Post Views

प्रतिकृया दिनुहोस्