बिमानस्थलबाटै बीर पुगेका सीके राउतले भने–अब जनमत पार्टीले रेशम चौधरीलाई छुटाउँछ

88

काठमाडौं–जनमत पार्टीका अध्‍यक्ष डा.सी के राउतले वीर अस्पतालमा उपचाररत निलम्बित सांसद रेशम चौधरीको स्वाथ्यअवस्थाबारे जानकारी लिएका छन् ।

दुई साता विदेश भ्रमणबाट स्वदेश फर्किएका राउतले त्रिभुवन विमानस्थलमा ओर्लिने वित्तिकै रेशमलाई भेट्न वीर अस्पताल पुगेका हुन् । भेटमा उनले अब रेशम चौधरीका लागि जनमत पार्टी लड्ने समेत आश्वासन दिए । उनले उपचाररत चौधरीको स्वास्थ्य अवस्थाबारे जानकारी लिनुका साथै चौधरीलाई जेलबाट छुटाउन अब जनमत पार्टी लाग्ने बताएका थिए ।

त्यस्तै डा. राउतले अस्पतालमा उपचाररत रहँदा चौधरीलाई साङ्लोले बाँधिएको अवस्थाका बारेमा समेत जानकारी लिएका थिए । यसअघि सरकारले चौधरीलाई नेल लगाएपछि समाजवादी पार्टीका अध्‍यक्ष बाबुराम भट्टराईले अस्पताल पुगेर भेटघाट गरेका थिए भने विभिन्न मानव अधिकारवादीहरु समेत पुगेर घटनाको बारेमा जानकारी लिँदै जेलमा जस्तो नेल लगाइनुको विरोध गरेका थिए ।

साङ्लोले बाधिएको अवस्थामा उपचार गराइरहेको चौधरीका तस्वीर सामाजिक सञ्जालमा भाइरल बनेपछि प्रधानमन्त्री केपी शर्मा ओलीको निर्देशनमा साङ्लो फुकाल्न लगाइएको थियो ।

Comments are closed, but trackbacks and pingbacks are open.